Pasojat u ndjenë menjëherë. Zvicra e zhvilloi grumbullimin e parë pas Kupës së Botës pa kapitenin e saj, ndonëse fitoi të katër ndeshjet e para në Ligën e Kombeve. Ndërkohë, edhe Breel Embolo dyshohet për një rast të ngjashëm.

Ende nuk dihet se çfarë pasojash sportive do të ketë vendimi. Federata Zvicerane e Futbollit deklaroi se është mirë që çështja u zgjidh në rrugë ligjore dhe se tani mund të nisin bisedimet për të ardhmen e përbashkët.

Trajneri Murat Yakin ka shprehur dëshirë të fortë për rikthimin e mesfushorit, ndërsa presidenti i Federatës, Peter Knabel, i ka mbajtur të hapura të gjitha opsionet. Bashkëlojtarët dhe tifozët i kanë dalë në mbështetje yllit me prejardhje nga Kosova, duke kërkuar rikthimin e tij. Vetë Xhaka ka thënë se dëshiron të kthehet si kapiten.

Zvicra i luan dy ndeshjet e fundit të Ligës së Kombeve në nëntor, në udhëtim ndaj Sllovenisë dhe në shtëpi kundër Skocisë. Para kësaj, Xhaka rikthehet në fushë të shtunën, kur Sunderlandi pret Brightonin në Premier League.