Diaspora shqiptare vazhdon të mbështesë protestat në Tiranë, ndërsa një tjetër tubim solidarizues u mbajt në Waterbury, Connecticut.

Pas tubimeve në New York, Michigan, Washington, Florida dhe Philadelphia, shqiptarët në Waterbury u mblodhën për të shprehur mbështetjen ndaj protestuesve në Shqipëri, ku protestat paqësore kanë hyrë në ditën e 28-të.

Sipas organizatorëve, lëvizja, e cila nisi për mbrojtjen e trashëgimisë natyrore dhe specieve të rrezikuara në Shqipëri, është shndërruar në një thirrje më të gjerë për transparencë, llogaridhënie dhe pjesëmarrje qytetare.

Pjesëmarrësit theksuan se diaspora shqiptare qëndron përkrah qytetarëve që protestojnë në mënyrë paqësore në Shqipëri, duke e cilësuar mbështetjen në rritje nga Shtetet e Bashkuara si një dëshmi të unitetit mes diasporës dhe atdheut.