Albanian Roots ka njoftuar zyrtarisht një partneritet historik me ekipin legjendar të New York Yankees, duke shënuar herën e parë që Yankees do t’i dedikojnë një ndeshje të tërë komunitetit shqiptaro-amerikan. Ngjarja — Dita e Trashëgimisë Shqiptare — do të mbahet më 19 maj 2026 në Yankee Stadium, për të festuar kulturën, unitetin dhe krenarinë shqiptare në një nga stadiumet më të njohura në botë.

Siç njofton organizata, të gjithë të interesuarit për të përfituar akses VIP në fushë dhe kapelën ekskluzive të New York Yankees me flamurin shqiptar (edicion i kufizuar), duhet të blejnë biletat vetëm përmes linkut zyrtar të Albanian Roots. Vetëm biletat nga ky link sigurojnë këto benefite.

Përkrahësit e Albanian Roots do të kenë edhe një seksion të dedikuar në stadium, duke krijuar një prezencë të fuqishme dhe të bashkuar shqiptare.

Ndër momentet më të veçanta pritet të jetë përvoja VIP në fushë, ku pjesëmarrësit e Albanian Roots do të marshojnë dhe zhvillojnë “Paradën Shqiptare” brenda Yankee Stadium — një moment historik për komunitetin tonë.

Për të festuar lajmin, shqiptarët dolën menjëherë në rrugë: një paradë makinash pushtoi Times Square, me flamuj kuqezi dhe energji festive.