Presidenti amerikan, Donald Trump, priti në Zyrën Ovale familjen Xhaferi, në kuadër të iniciativës humanitare “Make-A-Wish”, që u realizon dëshirat fëmijëve që përballen me sëmundje të rënda.

Takimi ishte i mbushur me emocione dhe ndjeshmëri, ndërsa qëllimi kryesor ishte t’i dhurohej një buzëqeshje dhe pak shpresë një djali të vogël shqiptar, pjesë e këtij programi.

Në shenjë simbolike, Trump i dhuroi djalit një monedhë të veçantë presidenciale, duke i thënë me humor: “Mos e humb!”

“Make-A-Wish” është një nga organizatat më të njohura në botë që ndihmon fëmijët me sëmundje të rënda, duke i dhuruar momente gëzimi e frymëzimi për ta dhe familjet e tyre.