Boksieri shqiptar Kristian Prenga vazhdon të shkëlqejë në skenën ndërkombëtare të boksit. Më 5 prill 2025, në një ndeshje të zhvilluar në Michigan, ai përballej me boksierin amerikan Willie “The Snake” Jake Jr. dhe e mbylli ndeshjen me nokaut që në raundin e parë.
Fitorja ndaj Jake Jr., i cili ka përvojë me kundërshtarë të njohur si Richard Torrez Jr. dhe Dainier Pero, tregon fuqinë dhe dominimin e Prengës në kategorinë e rëndë. Kjo ishte një tjetër fitore bindëse në serinë e sukseseve të tij të fundit, duke përfshirë edhe mbrojtjen e titullit NBA World Heavyweight në janar 2025 ndaj Juan Torres në Filadelfia.
Pas kësaj fitoreje të fundit, Prenga tani është shumë pranë mundësisë më të madhe në karrierën e tij – një duel për titullin Kampion Bote. Detajet për kundërshtarin dhe datën e ndeshjes pritet të zbulohen së shpejti, por pritshmëritë janë të larta dhe tifozët shqiptarë janë të entuziazmuar për këtë hap historik.
