Antoneta Gjolaj, mësuese e matematikës dhe leximit në Graham Elementary në Michigan, është nderuar me çmimin Excellence in Education nga Michigan Lottery.

E lindur në Mal të Zi, Gjolaj ndoqi arsimin e lartë në Kosovë gjatë kohëve të vështira, për t’u bërë më pas një figurë kyçe në Avondale School District. Ajo është e njohur për përkushtimin e saj ndaj nxënësve dhe kolegëve.

Me mbi 20 vite përvojë, Gjolaj ka ndikuar ndjeshëm në jetën akademike të shumë nxënësve, duke fituar respektin dhe besimin e komunitetit. Ky vlerësim është një dëshmi e rrugëtimit dhe kontributit të saj të jashtëzakonshëm në arsim.