Florida Doçi, një hulumtuese e shquar shqiptare, ka arritur një sukses të jashtëzakonshëm duke u bërë pjesë e gjigantit të teknologjisë Microsoft, ku luan një rol kyç në avancimin e inteligjencës artificiale (AI).

Ajo ka përfunduar studimet e larta në Universitetin e Windsor-it, ku është diplomuar në Shkenca Politike dhe Shkenca Biologjike & Bioteknologji. Aktualisht, Doçi është një nga figurat kryesore në ekipin e kërkimeve të AI në Microsoft, duke kontribuar në zhvillimin dhe implementimin e teknologjive më të avancuara për produktet e kësaj kompanie globale.

“Nuk mund ta përshkruaj emocionin që ndjej duke u bashkuar me Microsoft si hulumtuese kryesore, ku ndihmoj në integrimin e AI-së në hapësirat bashkëpunuese të Microsoft. Microsoft fuqizon miliarda njerëz anembanë botës për të qenë produktivë, krijues dhe të lidhur, duke ndryshuar jetët në mënyra të pabesueshme” tha Doçi.

Nga një fëmijëri pa kompjuter, ku vizatonte dhe memorizonte ekranet e komandave, deri te pozita e saj e tanishme, historia e Doçit është një frymëzim për të gjithë ata që ëndërrojnë të bëjnë ndryshime në botë përmes teknologjisë.