Në një arritje historike, ekipi i Fakultetit Juridik nga Universiteti i Prishtinës është renditur në mesin e tre më të mirëve në botë, duke lënë pas gati 400 universitete.

Ky sukses monumental e vendos ekipin e Universitetit të Prishtinës përpara institucioneve globalisht të njohura si Harvard, Yale, Stanford, Columbia, Oxford, Cambridge, Princeton, Duke, LSE, dhe qindra universiteteve të tjera prestigjioze në garën shumë të konkurrueshme të drejtësisë Willem C Vis. Më tej, ekipi siguroi edhe një çmim të veçantë për Memorandumin më të Mirë për Përgjigjësin, duke theksuar edhe më shumë aftësitë e tyre të jashtëzakonshme dhe përkushtimin.

Ekipi fitues përfshin studentët Ariana Rexha, Dea Fetiu, Morea Pula, Melisa Sejdiu, Nol Musa, Rea Hadri, së bashku me trajnerët e tyre Prof. Donikë Qerimi, Ilir Hajraj, dhe Art Sylaj.