Prishtina, kryeqyteti i Kosovës dhe Staten Island, Nju Jork, zyrtarisht janë bërë qytete simotra! Ky partneritet synon të promovojë bashkëpunimin, shkëmbimet kulturore dhe një të ardhme të ndritshme të bazuar në vlerat tona të përbashkëta.

Kryetari i kryeqytetit, Pëparim Rama e bëri të ditur këtë në Facebook, duke thënë: “Prishtina dhe Staten Island tani janë qytete simotra. Së bashku, ne do t’i afrojmë njerëzit, do të nxisim bashkëpunimin dhe do të nderojmë vlerat tona të përbashkëta”.

Gjatë ceremonisë së binjakëzimit, presidenti i Borough të Staten Island, Vito J. Fossella bëri homazhe për popullin shqiptar duke i vënë emrin e një rruge me emrin Ismail Qemali, një figurë kyçe në luftën e Shqiptarëve për pavarësi dhe shtetësi.

Staten Island, me komunitetin e tij të gjallë shqiptaro-amerikan që përbën 13% të popullsisë, kontribuon në mënyrë aktive në rritjen dhe avancimin e tij. Kryebashkiaku Rama shprehu mirënjohjen për organizatorët, Z. Naser Nika dhe Dr. Bahri Ceka, si dhe kongresmenen Nicole Malliotakis për kontributin e saj të jashtëzakonshëm./Atlantiku