Mark Kosmo është një shqiptar i lindur dhe rritur në Braintree, Massachusetts nga prindër shqiptarë të cilët emigruan në SHBA 100 vjet më parë nga Shqipëria.

Motivimi për të ndihmuar shqiptarët erdhi kur ai vizitoi Shqipërinë për herë të parë në maj të vitit 1992. Më pas, aktivisti nga SHBA, Mark Kosmo, ka ndihmuar diasporën përmes “Global Albanian Foundation” si dhe me punën që po bëjnë me organizatën GERMIN ku është këshilltar i jashtëm.

Tani, ai ka krijuar programin “OriginAL“, përmes të cilit bëhet lidhja mes diasporës së Kosovës, Shqipërisë dhe Maqedonisë dhe vendeve të tjera.

“Ideja e OriginAL bazohet në Birthright Israel ku të rinjtë e rritur të diasporës vizitojnë atdheun e tyre për të përjetuar rrënjët e tyre.  Për herë të parë kam dëgjuar për Birthright Israel ndoshta në 2019 ose 2020 nga një nga kolegët e mi nga Germin në Prishtinë — Lirim Krasniqi.  Më pas në verë apo vjeshtë 2021 po diskutoja me Lirimin dhe kolegen e tij Sihana Bejtullahu se si mund të bashkëpunojë më mirë Fondacioni Global Shqiptarët që unë drejtoj nga Bostoni me Germin.  Pikërisht atëherë vendosëm “le të shkojmë me OriginAL”.  Nuk quhej. Origjinal në atë kohë — u deshën disa muaj para se të vendosnim për emrin OriginAL.” – thotë Kosmo për Atlantikun.

Edhe pse është ende në fillimet e tij, programi po rezulton të jetë i suksesshëm.

“Suksesi është si bukuria — është në sytë e shikuesit. Për mua ka qenë i suksesshëm deri më tani, por është si një foshnjë një vjeçare — ende shumë për të bërë për ta rritur atë në diçka të fortë dhe të qëndrueshme. Në Vitin e parë ne patëm 40 të rinj shqiptarë që morën pjesë në program në gusht 2022. Nuk i di numrat e saktë, por ndoshta kemi mbledhur afër 100,000 dollarë për ta financuar atë. Synimi ynë për vitin 2023 është të mbledhim 200,000 dollarë për të financuar 100 pjesëmarrës. Kështu që deri tani ne kemi mbledhur ndoshta 40,000 dollarë, kështu që ka ende shumë për të bërë. Ne duam të dyfishojmë madhësinë e programit çdo vit për 5 vitet e ardhshme për ta arritur atë në 1,000 pjesëmarrës.“- shtoi ai gjatë intervistës.

Mark Kosmo nuk e ka ndërmend të ndalet në drejtimin që ka nisur.

Në një intervistë për Atlantiku.com, ai ka zbuluar planet e tij për të ardhmen.

“Kam në plan të vazhdoj promovimin e OriginAL dhe gjithashtu crowdfunding që Fondacioni Global Shqiptarët bën për organizatat jofitimprurëse shqiptare. Gjatë 4 viteve të fundit kemi mbledhur disa qindra mijëra dollarë për OJQ-të shqiptare — ndoshta gjysma e të cilave lidhej me Tërmeti në nëntor 2019.”

Shqiptaro-amerikani nga Massachusetts ka këtë mesazh për të gjithë të rinjtë shqiptarë kudo që ndodhen:

Jini pozitiv, besoni në veten tuaj, besoni në vendin tuaj, mos u bëni dembel dhe argëtohuni. Ka shumë gjëra të mira për të bërë në jetë për të ndihmuar njerëzit e tjerë dhe mund të argëtoheni shumë duke e bërë botën një vend më të mirë.