Presidentja e Kosovës, Vjosa Osmani, priti në takim lamtumirës komandantin e KFOR-it, gjeneralmajor Ferenc Kajari.

Në njoftimin e presidencës thuhet se Osmani diskutoi për aspekte të sigurisë dhe zhvillimet e fundit në Kosovë, rajon dhe më tej.

“Osmani vlerësoi kontributin e NATO-s, përmes KFOR-it, si qenësor për paqen dhe sigurinë në vend dhe rajon. Ajo gjithashtu shprehu vlerësimin për angazhimin e Hungarisë në kuadër të KFOR-it”.

“Edhe komandanti Kajari falënderoi presidenten për bashkëpunimin dhe uroi që Kosova edhe më tej, nën komandën pasuese të KFOR-it, të vazhdojë të mbetet vatër e stabilitetit dhe e paqes”, thuhet në njoftim.